Gutxienez hamabost soldadu ukrainar ari dira lanean Mali (Afrika) iparraldeko basamortuan, errusiar tropen aurka dauden tuaregen miliziei laguntzen, CNN estatubatuar telebista kateak joan den asteburuan argitaratutako ikerketa baten arabera ((*) https://edition.cnn.com/2026/09/12/africa/ukraine-russia-drones-mali-libya-intl)
Ala ere, CNNren informazio honen arabera, Ukrainako armadaren inteligentzia zerbitzuetako taldeak ez homen du zuzenean parte hartzen borroketan. Haren eginkizuna izango litzateke tuaregei droneak maneiatzen irakastea eta Europa ekialdeko frontean eskuratutako ezagutza teknikoak helaraztea.
2024ko abuztuan, Maliko gobernuak harreman diplomatikoak hautsi zituen Kiev-eko erregimenarekin, Ukrainako inteligentzia militarreko bozeramaile batek, Andriy Yusovek, onartu baitzuen bere herrialdeak tuaregei lagundu ziela Tinzaouatengo liskarretan. Gertaera odoltsu horrek dozenaka soldadu maliar eta errusiar hil zituen. Une hartan, Kievek ukatu egin zuen esku-hartze militarrik.
Afrikako beste herrialde batzuk ere Ukrainako operazioen eraginpean daude. Sudanek Kievetik etorritako irakasleak ditu, eta Txad, Niger eta Burkina Fasoko militarrak Malira bidali dituzte antzeko entrenamendua jasotzeko. Antzeko dispositibo bat dago Libian, non Ukrainako itsas unitateak zabaldu diren Misratatik gertu joan den urtearen amaieratik, Errusiako petrolio-jarduerak oztopatzeko asmoz.
CNNren arabera, ukrainarrek Kidal birkonkistatzen lagundu dute aurten. Herri hori gobernuaren kontrolpean geratu zen 2013an, hainbat urtez tuaregen mende egon ondoren, eta Al Kaidaren (fanatiko islamistak) aldeko taldeekin batera egindako erasoaldiari esker berreskuratu zuten. Defentsa Ministerioaren bidez, Moskuk salatu zuen Ukrainatik eta Europatik etorritako mertzenarioen esku-hartzea.
CNNk onartzen du Ukrainako hedapenek Errusiaren eragina ahuldu nahi dutela Europatik kanpo, eta, aldi berean, armadari bere ekipamendua probatzeko aukera eskaintzen diote, Ukrainako frontearen oso bestelako baldintzetan.
Iturria – MPR21
